ببص في مرايتي
ودموعي حزينة
طويلة حكايتي
ليل كلة أحزان وبدور على ليلة سعيدة
بتحسدوني على جرحي
والغدر من الصحاب
مستكترين عليا فرحي
في سكة العذاب
قد اية الواحد حزين ندمان
ببكي وببكي بحرقة كمان
إللي كانو حبايبي
لية هونت عليهم
هوا أنا اتغيرت ملامحي
ولا أنا ما عدتش قادر اديهم
الحب والحنان
لية كل ما أقرب يبعدو
ولية القلب الطيب تعذبو
هوا إنت حبيبي إللي اعرفو
ولا إحنا الاتنين في دنيا غريبه
كام مرة خدعتيني يا مراية
إللي ف أيدي وتملي معايا
أنا مش أنا والحزن بقالو سنة
واتبدلت الحكاية
بندة عليكي يا دنيا وتملي مش سامعاني
إللي حبيتو و أخلصت في هواه
أهو باع من تاني
وطلع كداب
بتحسدوني على جرحي
والغدر من الصحاب
مستكترين عليا فرحي
في سكة العذاب
ببكي على قلبي اللي انكسر
ببكي على السنين اللي ضاعت
رضينا بالنصيب و القدر
وف الآخر كل شيء حلو ف حياتنا
حتى ضحكتنا تاهت
مابين كل البشر والوشوش حزينة
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب