من ديوان/أنفاس الحياة
..لو باأيدى ياحبيبتى
كنت اجيب لك ألف
بسمه بين شفايفك
أحطهالك
..والخدود اللى حمارهم
شئ خيالى، وف جمالهم
شئ محيرنى ف وصالك
..واللى أكتر أنك انت
سكنتى قلبى والمحبه
جوه منى شيلتهالك
..يالى كل الدنيا عندى،
يالى مجدافى وسفينتى،
السعاده اللى ف هوايا
عشتهالك
..الأمانى تحلى بيكى،
والليالى الحلوه ليكى،
والعيون السمرا سحر
من دلالك
..المراكب رايحه جايه
قلوعها فارده ، والنسايم
بين ضافيرك طايره شارده
من جمالك
..يالى رمش عنيكى شطى ،
يالى نن عنيكى بحرى ،
القلوع العاليه اطولها
واطوى هالك
..لو باءيدى ياحبيبتى.
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب