نور عنيا

 بقلم أبوعدنان

حبي وحياتي
وجعي وذكرياتي
الماضي والحاضر والأمل
بنبون و شيكولاته وعسل
بيفكرني بذاتي
نور عنيا وأجمل ما فيا
وسحر القمر
شمس ما بتغيب
وأعز حبيب
والحب قدر
وبحس معاة بخطواتي

فرحة كل السنين
ساكن في نن العين
يصونو المولى ويرعاة

هوا الدم في عروقي

ف صباحي و شروقي

إبني إكسير الحياة

وف كل لحظة حبة بيزيد ولحد مماتي

قلمي وحلمي ونبض قلبي
وأحلى طلة في دنيا صعبة

ولما يضحك بتكتر ضحكاتي

ولو ف يوم قال آة
قلبي يقف معاه

والدنيا تحزن لأساة

والليل يصرخ و يهاتي

بحب الخير بروية

ومن حناني وخبرة الأيام بتدية

وعلى إسم خير البشر اسمية
ببركة المولى والنبي الهادي

ينفع الناس ويكون صالح

وتملي يكون شاطر و فالح

ويحب إخواتة البنات حب مش عادي

وبدعيلة بالهداية والتوفيق

ربنا يهدية لأحسن طريق

طريق الإيمان ويحفظ القرآن

بدعيلة في كل صلاواتي

نور عنيا وأمل حياتي