رباعيات

أبو عدنان

يازمن لاتعاديني و لا أعاديك

إنت خدت مني وأنا خدت منيك

لية يفضل مابينا صراع

ربنا ياخد مني ويديك

النبي يا طبيب إوصفلي دوا

أمشي جمب الحيط و لا أغوص ف الهوى

لساني وكلامي مضيعني

ولا يمكن لفحة برد وشويه هوا

كان قلبي طاير من الفرح

سعيد لأول مرة ومنشرح

هيا ساعة واحدة

الحزن ف كل مكان مالقالهوش مطرح

في لحظه سرحت ببصري

هيا دي اللي كانت مالية فكري

دالوقت بتدور على سم

وقبلها كانت بتحفرلي قبري

في طريق كلة شوك و سجر سنط

كل كلمه حلوه ملفوفة ب حنط

الجدع إللي ربنا يكرمو

ويعرف الصح من الغلط إحنا الإتنين فولة و اتاءسمت

زي شق القمر صورة جميلة واترسمت

لما يروح الود

كأنها نار أكلت كل شيء و حرقت

عابر سبيل في الدنيا سواح

كام سنه بكتب شعري بإفصاح

سألت روحي أنا مين ردت وقالت واخدك الحنين

ولا يمكن قلبك معلهوش مفتاح