كلمتني عنك كتير
عشقتك من وصفها
غصب عني من كلامها
عشقتك زيها
أو ممكن أكتر منها
و ازاي فى يوم ابوح لها
و اقول لها اني عمري ما خنتها
بس غصب عني من كلامها
عشقتك زيها
لما جت فى يوم قالتلي
انها غلطت فى حقك
و انك رغم غلطها صالحتها
و لما جت وصفتلي حبك
و اهتمامك و احتوائك
و ازاي كنت فى حنانك
أب و ازاي فى خوفك
كنت أخ و عمرك فى يوم
ما هجرتها أو حتي مرة جرحتها
وانك فى عز غضبها كنت قادر تحتويها
و لما تتكلم كنت افضل مستمع ليها.
فغصب عني وقتها عشقتك معاها
لما جت توصف ملامحك و كأنها
كانت بترسم فى عيني صورتك
لما شفتك يوم عرفتك من ملامحك
من كلامها و وصفها .
و عذرت قلبي لما شفتك ازاي يحبك
من مجرد وصفها.
بس غصب عني وقتها اني عشقتك زيها.
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب