الخوف بقلم هبة أحمد

 في مرة لقيتني بكتب وبقول الخوف في حد ذاته نجاة وبعد فترة لقيتني بقول لنفسي ليه كتبتي كده .. الخوف ساعات بيعطل النجاح ، وساعات بيخلي الإنسان ضعيف وممكن يكون بيضيع عليه فرص كتير .. بس لقيت وقتها ذاكرتي جابت موقف لحد سمعته بيقول لحد ظلمه خاف الله .

تخيلت أن الكلمة طوق نجاة لو تراجع الظالم عن ظلم المظلوم من ذنب عظيم … وأنك لما تمتص غضب حد غالي عليك داه مش خوف أنك تجرحه برد ولا كلام وقتها صعب يتنسي ده مش ضعف داه نجاة ..

أنك تخاف من النار وتعمل للجنة .. أنك تخاف ما تصحاش ..أو أنك تكون مقصر في عبادة وتجري تعملها نجاة … كل حد فينا في هاجس جواه أو خوف من حاجة ممكن تكون لناس تانين تافهة أو غير مفهومة …بس في بشر بيستحوذ عليهم الخوف لحد المرض دووول تقريبا بيوقفوا حياتهم تجاه مصدر الخوف ده وقتها يكون أتحول لمرض وده أصعب أنواع الخوف.

وفي بشر خوفهم قلق من قلة مال ولا زوال للصحة أو الجمال أو الموت أحيانا …في كل الحالات مطلوب الأعتدال يعني صعب متتكلمش عشان بتخاف تغلط .. وصعب متعش عشان بتخاف تموت ..لازم تحول من الخوف نجاة.