مانيش نبي
زي يوسف اتحمل أذى اخواته
حتى اليم
غرقان دم
وقميص يعقوب
لما ارتضى بالمكتوب
ورد بصره
الإيمان ف اروع اوقاته
ومانيش أيوب
الصبر عنوانه
مكتوب في طي الكتمان
وبيسرد ع مر الزمن حكاياته
ومانيش نوح
إحنا ف زمن البوح
الوجع و الأنين
لو يوم حزين
نهر الحزن و اسعة ضفاته
سفينه نوح كانت نجاة
وقميص يوسف حياة
صبر ايوب عبادة
وموسى شق البحر ب عصاه
مانيش نبي
أنا بشر معجون بمية أخطاء
لو بصيت ف عيوني
تلاقي حزن
مش خوف وجبن
إنما حياء
مانيش قلم بيخط حروف وخلاص
أو إني مثالي
هوا دا حالي
بشر زي كل الناس
مانيش بحب ب مجون
ولا أمشي ورا الظنون
الحب دم ف وريدي
نفسة يضم الأحبة
العايشين واللي ماتو
مانيش صورة ووجة حسن
عارف راح ادفع التمن
فما تستغربوش
كل حاجه ليها تمن
وما تلوموش
كل مرة ع الزمن
ولا إللي قامو على رفاته
ومانيش غبي
لأني بحب بلدي
بطاوع الحروف وهيا بتعصاني
الحلم كنة أماني
والمستحيل راكب جواد أحزاني
مانيش خايف
مين عارف
يمكن بكرة أكون إنسان تاني
كلة يحبني ويهواني
والقلب يداوم على صلاته
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب