فرحانة فيك..
كل اما بسمع اخبارك.
واشعر بندمك في كلامك
وشايفة وجعك والامك.
وباينه جاي الدور عليك.
فرحانه فيك
فرحانة غصب عني.
انا مش قادرة اسامحك
يمكن عشان ماحصل مني
اني في يوم جرحتك
وانت اللي ياما كسرتني
وكتير سامحتك
وقت السماح عندي انتهي
ومش بايدي اصفالك
ولا ارجع اليك.. فرحانة فيك..
بتقولي مش صعبان عليكي؟
وامتي انا صعبت عليك
ال ايه بحبك.. ال شاريكي.
كفاية كدب حرام عليك
كله باعك كله عاتبك
فين صحابك فين حبايبك
كانوا ضدي وكانوا سندك
بعدوا وكان الذنب ذنبك
واختفوا من حواليك
ده انهاره حقي جاني
يوم ماتتعذب عشاني
ياما وريتني عذاب وانا بين ايديك.. فرحانه فيك
هو عدل من السما فبلاش تلوم
حملتني فوق طاقتي ياما وزودت الهموم.
لكني مانسيت يوم وعد ربي
بنصرة المظلوم
مهما تنسي انت عمايلك
..ربك مش ناسيك.. فرحانة فيك
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب