اتغيرى

بقلم/ أميمه المعداوى

من ديوان/ روح الحياه

 

 

..بتقولى تانى اتغيرى..!!

صعبان عليا غربتك ..

إنك محستش الهوى ..

جايلك بقى من ناحيتى

وأنا كل ليله بعلمك،

وبفهمك تفهم لغايا  

وأنى أنا لروحك دوا، 

    ياقسمتى.

..بس انت شاطر فى الكلام ،

وتلومنى وتعبنى الملام ،

لو تعرف انك شئ كبيييير ،

جوايا ماتقولشي صحيح أتغيرى ،

   أو أفهمى !!!! 

..لازم تحس بأنى غيرهم كلهم

  أه بااختلف، 

أفهم بقى ،بس اعترف ، 

دا احنا روحين بيدورو 

على بعضهم من وقت فات

..يجى كاااااام سنه، 

دلوقتى افهمنى بقى 

وامسك وجمدفى اللجام ، 

   يا بسمتى

.. مش قادره اقولهالك كلام

  خايفه عليك تتعب أوى..

   من لوعتى

..علشان م حبى جنة مايطلهاش

      بقى 

الا الجرئ فى رحلتى، 

.. وانت يدوب لسه بتمسك

   فى اللجام 

مين غير ماأقول لك سرى أيه، 

..لازم تروح تفهم بقى بين

   السطور 

أن احتياجاتى أماان ،

..طالبه ان فارس رحلتى ،

 يبنى لى قصر من الحنان ،

    ويعدى بيا محنتى ،

..وحيطانه مش طوبه ذهب 

  ولا طوبه فضه..ولك سلام . …

..أسواره جنه من الأمان ،

  وتقولى تااانى اتغيرى..!!!!

دخلنى جوه دنيتك، 

لو كنت جد تحبنى، 

..وتكون لى منحه من الزمان ،

  وتكون لى ضحكى وفرحتى ،

…وتخاف عليا ف محنتي ،

   وعنيك تكون بيتي كمان ،

…تقفل عليا عمر فاضل لى أنا،

   جايز يومين ، جايز سنه، 

…وتعيش على ذكرى جميلة

      كام سنه ،

… لوكنت هبقى قسمتك ،

   تبقالى حصنى اللى يحوط

       ع اللى فاضل مننا ،

..وتكون لى فارس رحلتي

  شئ مختلف ، بعته الزمان .

..وتقولى تانى اتغيرى…!!!!!

    ياقسمتى…!!!!!