مش دي أنا ولا دي طبيعتى
ادام عنيك أنا مش فى حالتى
اخرتها ايه وياك حكايتى
انت ناوى تكون لي فرحي؟
ولا جرحى معاك وتوهتى
حبى ليك كانت بداية
أني اكون سبب نهايتى
هي فين قوة ارادتى؟
بحر شوقك موجه عالي
قلبى فيه تايه غريق
تخطفه لفوق في العلالى
وفي لحظة تنساه وسط الطريق
تهجر تغيب.. وتبعد تخاصم
وتنادينى انسي اللي حاصل
وانسي نفسى وانسي هيبتى
هي فين قوة ارادتى
كل حاجة عندى ليه بنتهى قبل الاوان
هو انا اللي العيب علية
ولا ده العيب علي الزمان
كل قصة بنتهى بجرح ودموع
كل ضحكة تختفى وملهاش رجوع
عاوزة حقى في الحياه
ليه نصيبى عذاب واه
ليه أسيرة في سجن حبك
ليه في هواك ضعفت عزيمتى
هي فين قوة ارادتى
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب