و لما جيت أقول الرد

بقلم: د. باسم موسي

يا شمس عايشة جوايا

في سهري إنتي قمراية

و لما بأغيب عن الدنيا

بألاقيكي في دنيايا

…

عشانك كل أشعاري

فعرفوا الناس بأسراري

عرفتي كمان و بتخبي

سألتي سؤال و إجباري

…

و لما جيت أقول الرد

بنيتي بينا سد و سد

بنيتي بينا سور عالي

لفوق و علوه ماله حد

….

وراه طيفك يناديني

تعالى عندي لاقيني

تعالى و خديني للأحلام

في حضن الحب دفيني

…

أنا عاوز ندا منك

يأكد إسمي في قلبك

نحطم سد بعد السور

أنا و قلبي و نوصللك

…

و نبدأ قصة و حكاية

و أنفاسنا ليها نهاية

و حتى بعد حد العمر

حيحكيها الهوي رواية