الدنيا علمتني أنَّ الكذاب شكَّاك و دايماً بيشوف كل الناس كذابين زيه ….
و الخاين بيشوف كل الناس خاينين زيه …
و إن الطيب ما بيتعلمش من غلطه ،، لأنه مهما قابل ناس وحشة مش بيستوعب وحاشتهم ، و بيفضل يتوسم الخير فيهم …
علمتني أن الغلطان هو أول من يشتكي …..
علمتني أن الظالم أكثر ثرثرة من المظلوم ….
علمتني أن من القلب للقلب رسول و نفس اللي جواك ليا هو اللي جوايا ليك ….
علمتني أصبر على البلاء و مازعلش من الخسارة لأن ربنا بيعوض بأكثر من اللي خسرته بس باللي هو شايفه أولى …
علمتني أن لما حد يغتابني أو يغلط في حقي أو يتبلى عليا مزعلش منهم ، لكن أزعل عليهم و أن دول ربنا سخَّرهم ليا عشان آخد حسنات و أكتشف بيهم حقيقة ناس تانية …
علمتني أن السكوت أفضل رد على السفهاء ….
علمتني إني مادام ماشي في الطريق الصح ما يهمنيش حد و اللي يقول يقول ، ربنا بيبين الحقائق في الوقت الصح ،،،
علمتني ما اندمش على أي قرار أخذته حتى لو غلط ، و استحمل نتيجته و أتعلَّم منه …
علمتني أبقى بوش واحد و كلام واحد و رأى واحد ،،،
علمتني أبقى قد كلامي و قد وعدي …
علمتني إن اللي تعمل معاه خير و يقلل منك قدام الناس حقير ،، بيجيله اللي يقلل منه و يمشي وراه مذلول ،،
علمتني أسمع بعيني و أدور على الحقيقة بنفسي و أتأكد و ماحكمش على حد من اللي بسمعه ….
علمتني أسمع من الطرفين ،، لإن فيه ناس أخبث من إنهم يبينوا حقيقتهم ،، و فيه ناس وضوحهم بيظلمهم ،،
علمتني إن أصحاب الضمير و القلب الحي نِعمة و اللي قلبه حجر ما يساويش و لو يملك مال قارون و جمال سيدنا يوسف ،،
علمتني أن المكسب الوحيد ليا إني أبقى أنا زي ما أنا عايز أكون ، مش زي ما أي حد عاوزني أكون ….
علمتني إن أحقر الناس هو اللي يستغل حبك له لفترة و يستغنى عنك في لحظة عشان مصلحة جديدة …
علمتني إن عيلتي هي أهم إنجاز في حياتي بس من غير حقد وظلم وكراهية وغيبه ونميمه …
و اتعلمت إن اللي بيعمل حاجة فعلاً بتتردله بنفس الطريقة بالمليمتر …
و أخيراً علمتني أن جبر الخواطر سِحر و السعادة اللي الواحد بيحس بيها بعده لا تُقارن ،، و إن الحب و الوفاء اللي بتقدمه بيرجعلك أضعاف مضاعفة وسوف أكون وأصبح معي ملايين الجنيهات وستعرف اخرة صبري ايه كل من فى بالي.
منى خليل
More Stories
“عبور 360”.. عينُك الشاملة على نبض مدينة العبور وخدماتها
انطلاق برنامج تأهيلي وتدريبي لموظفي هيأة التأمين الطبي
تكريم دولي للكاتب الصحفي نزار الخالد بأعلى الأوسمة تقديراً لدوره في السلام وتعزيز العلاقات الأفريقية الآسيوية