خبينى من غدر الزمان
نسيني حزنى مهما كان
بعدك عن قلبى هوان
قربك بيدينى الامان
احمينى قلبي مش لاقينى
غير معاك
وداوينى جرحى ما له عندى
الا دواك
عاشقة صوتك لو نادانى
قول بحبك قولها تاني
كلمة من احلي المعاني
اللي بدوب فيها في هواك
عاشقة اسمك لما أقوله
عاشقة سيرتك ليل بطوله
عاشقة كلك وانت عندى
منبع الشوق والحنان
خبيني من غدر الزمان
معاك علي جسر من الاحلام
مد ايديك وخدني أوام
وحقق كل ما اتمنيت
ناديت قلبى لعندك جيت
وانا وياك نأسس بيت
ونملاه فرح وهنا وأنغام
ونتعاهد مايوم نبعد ولا نعند
ونطوى مافات وننسي ما كان
خبينى من غدر الزمان
معاك علي جسر احلامى
تعالى يا احلي ايامى
ياجسر الحب
خدنا لفوق للعالى
ماليش غيرك
حبيب غالى
اكون وياه
وطوحنا بخفة وذوق
ويحلي لي
تدوب قلبى بعيونك
ويصفي لي
اعيش قربك
ولو حلم جميل حباه
ده قلبى لو بعد عنك
يبات مكسور ضعيف وجبان
خبيني من غدر الزمان
بقلم ميرفت أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب