ولسه الدنيا شايله لنا
كتير حكايات
وعاليه الضحكة علي حالنا
وخافيه آهات
بنبكي في عز فرحتنا
ونتريق علي خيبتنا
وبنحارب وبنعافر وأدينا عايشين
وجوا قلوبنا حلم ومات
وفاتحه عينيكي ليه يا دنيا
أوي عليا
وغاليه الفرحة علي قلبك
ومش ليا
بيعي واشتري فيا
وحطي كمان أوي عليا
غبيه يا دنيا فقريه
يا بومة
ومن يومك وجع وآهات
وضايقيني وحاوريني
ودوسي كمان أوي عليا
وزي الكورة دايخة وراكي
لاعبيني وشوطي فيا
هلف وأدور أوي معاكي
ده أنا رزلة وعنديه
ده أنا والله زهداكي
ماطايقه فيكي ولا ثانيه
بلاش تستغبي وتخيبي
كده هنقضيها مرازيه
هاتي يا حلوه كمان وكمان
باين له صحيح ده شغل جنان
يا مروووشه يا مهبوشه
ده رب الخلق علاني ووطاكي
وخلاكي صحيح دنيا
وكرمني أنا الإنسان
أمل أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب