كانت فى حالها مش فى بالها
شايفة الحياه.حلوة فى خيالها
ألوانها وردى ….تاخد وتدى
خطوتها لو زادت .ترجع تهدى
تتحدي أي صعاب ..تعدى
واثقة فى شبابها وفي جمالها
ما أنا قولت كانت هي في حالها
الزمان على غفلة زارها
هد أحلامها وآمالها
علي كيفه طوحها وأمرها
من بعد جنتها وخضارها
سقاها من الدنيا ومرارها
عذبها وكواها…. بنارها
ليه يازمان قاصد دمارها
إزاى كدة ؟؟دي كانت في حالها؟!
دموع عينيها علي خدها
راضية نصيبها وبختها
لكنها…..
مستغربة اللي بيجرى لها
طول عمرها ..
بتحب كل الخير لغيرها
من قلبها…
بتعامل الكل بضميرها
ليه كان جزاتها يظلموا
وعليها ليه يستكتروا
لو فكر الفرح يجيلها
وإن طال الصبر بيها
لازم قلبها كان يشتكى
واضح خلاص جابت اخرها
خلوها عايشة لوحدها
سيبوها لو ينفع في حالها
شالت كتير ولحد كده
كتر….. ألف خيرها
ميرفت أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب