بس عرفت
مين يستاهل
ومين ببلاش
ماتغيرتش بس
شفت احلامي راحت
ولا شفتهاش
لا عرفت اعيشها
ولا حققتهاش
متغيرتش بس
عرفت عند مين
هاساوي كام
مين إحساسه صدق
ومين بياع كلام
ماتغيرتش
بس مشفتش
غير ناس بتكذب
بمنتهي الصدق
ولا لما يكونوا تعالب
في غابة
ماتغيرتش بس
بقيت أبكي كتير
من حرقة قلبي
علي نفسي
بقيت كأني كنت
في حرب
وخدوني أسير
متغيرتش بس
بقيت حد بهتان
مش عارف
يرسم بالألوان
محتار هو غبي
والا فنان
متغيرتش بس لقيتني
حد انا نفسي مش عارفاه
حد غريب ملامحه
جديدة. او وش
ملامحه مسلوخة
او حد دماغة
فيها دوخة
وعنيه زايغه
وايديه بتترعش
في الشمس
و قلبه متجمد
جواه الهمس
حد يقولي
كده أنا اتغيرت
بس أنا شايفه
إني متغيرتش
رغم القسوة
رغم مرار طعم القهوة
اللي بقيت اشربها
في حبكوا سادة
رويدا عبد الحي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب