كتبت نرمين بهنسي
موقف مع بطل
الله يرحمه راتبه كان بيخلصه على العساكر في تقريشة الكانتين اقوله ي فندم مش بيفضلك حاجه من الراتب يقولى مش مشكله أهم حاجه ميسحبوش سجاير من فلوسي ولا كنزات (مش لاقي يأكل ويشرب كانز بضحكته المعتاده وخفة دمه )ياخدو عصير معنديش مشكله
– مره تانيه كانت العساكر بتظبطله جنينة المبيت وبعد ما خلصو بيشكرهم قولتله حاف كده ي فندم مفيش ليهم طقم شاي
قالي روح جيبلهم كلهم كانزات على حسابي قلتله بهزر قالي وأنا بقولك روح جيب وفعلا عزمهم كلهم
– عساكر الحمله كانو شغالين بيصلحو العربات طول اليوم وشقاينين رحت قلتله ي فندم الصول على ساحل العساكر من صبحية ربنا ودلوقت داخلين على ١٠ بليلل ومش راضي يسيبهم
أمر أنهم يروحو يستحمو وعلى ما خلصو كان عملهم كلهم أكل عشان يتعشو وجبلهم عصير وقعدهم يأكلوا في مبيته وخدم عليهم بنفسه
ومواقف تانيه كتيرررررر لاتعد في شهامته ورجولته
الله يرحمك ي أفضل قائد شفته في حياتي
نقلا عن محمد توفيق
أحد من خدموا مع الشهيد البطل عقيد إسلام الأنصاري
شهيد بطل عقيد أ. ح
أسلام أبوالمكارم الأنصاري
تاريخ الإستشهاد 2020/7/27
في مقعد صدق عند
المليك المقتدر يا بطل
More Stories
مزاد دهب – النسخة الثانية: عالم من التحف والأنتيكات
انطلاق أول مزاد علني للأنتيكات في الأقاليم بقيادة براند “دهب”
رمضان بين الكلمة والوعي ليلة مميزة بنقابة أطباء المنوفية