كتبت / مقبولة نور
المذيع / أنا مش هعطلك كتير ..هو عنوان حلقتنا من غشنا فليس منا
نحب نتعرف علي حضرتك في الأول
إسمي عقل راجح رزين
المذيع / ا. عقل ..تقول اية عن الغش والي بيعملوه وأنواعة
ا. عقل / والله يا أستاذ في فساد وحاجات كتير بتتباع في السوق ..بتجيب الامراض
المذيع/ حلقتنا النهاردة بتتكلم علي كيفية إكتشاف الغش ..ومنع الوقوع فية
ا. عقل / حضرتك هنكتشفة إزاي ..ماحنا بنقع فية أومال بنقول علية غش لية
المذيع / أقصد أننا نحد من أنتشاره ومنديش فرصة للمفسد يكمل فسادة وغشة
ا. عقل / أيوة فهمتك ..بص يا أستاذ .. أنا مرة نزلت الشغل وأنا راجع لاقيت عربية بتبيع ذبدة فلاحي أرخص من السعر المتعارف علية تقريبا النص
المذيع/ طيب دا هايل ..بس أكيد فية حاجة مش طبيعية ..ازاي التاجر هيخسر دة كلة علشان المستهلك يبقي فية أكيد غش
ا. عقل / انا برضو شكيت ان فية حاجة ..ووقغت اشوف اية نوع الذبدة دي
المذيع / أكيد لاقيتها مضروبة
ا. عقل / أبدا والله ..ذبدة ذبدة بجد ..
المذيع / ياااة .عرفت منين
ا. عقل / ودي تفوتني ..طلبت من البائع إني أدوق الطعم وألمسها بأصابعي
المذيع / (بلهفة انة يعرف)ها ولاقيت ايه
ا. عقل / دوقتها وغرست صوابع ايدي فيها والله ذبدة أصلي
المذيع / فين الغش بقا ..طالما طلعت ذبدة بجد ..يبقي الميزان فية غش
ا. عقل / أبدا الميزان تمام التمام
المذيع /إحكلنا آية الغش من وجهة نظرك في البيعة دي
ا. عقل / الغش في إني لما روحت البيت وأديتها للجماعة ..وجت تسيحها علي النار ..لاقيتها عبارة عن بطاطس مسلوقة مهروسة مكورة بشكل الذبدة مغطاة بطبقة سميكة من الذبدة بحيث إنك لما تيجي تختبرها ..متكتشفهاش ابدا
المذيع / يا خبر أبيض للدرجة دي ..الي زي دول ماتشتريش منهم أبدا
ا. عقل/ أه أومال أنت فاكر أية دول بيتفننو في الغش ..طب دنا كنت عامل عزومة و نزلت مخصوص أجيب منهم فراخ
المذيع / منهم تاني(بأستغراب ).وفراااخ كمان
أ. عقل / كانو بيبيعوا الفرخة وعليها فرخة هدية ..وفرخة اية كبيرة ومحترمة
المذيع/ اممم.. كبيرة ومحترمة آة وبعدين اية الي حصل؟
ا.عقل /خت معايا شنطتين كبار ونزلت قولت أجيب ٨ فرخات بالهدايا طبعا”
المذيع/ ٨ فرخات
أ. عقل/ يدوب دة غير اللحوم
المذيع/ بعد ما أخدت الشنتطين ..اية الي حصل؟
ا. عقل/ طلعت وإديتهم للجماعة وعملتهم ..
بس ياخويا أتحولو بقدرة قادر بعد التسوية
لحجم الحمام وأصغر كمان !
المذيع/ بتقول أيه حجم الحمااام!!!!
أ عقل /شوف يأخي الغش وصل
لأنهم يحقنو الفراخ بالمياة
تحت الجلد علشان توزن وتكبر ..
ولما تتحط في الحلة وأثناء الغليان ..
كشت خالص بقت قد الكف .
رد علية المذيع بمنتهي ألأدب الجم
وهو في نفس اللحظة متغيظ من موقفه جدا
المذيع/ وأنت لية ماختهوش معاك مع الشنتطين
وأنت بتشتري تاني ..
من نفس الراجل
ا. عقل / هو مين المذيع / أسمك …اسمك يا أستاذ
More Stories
دسوق تستعد لإستقبال الملايين غدًا .. قصة القطب الصوفي إبراهيم الدسوقي
“عبور 360”.. عينُك الشاملة على نبض مدينة العبور وخدماتها
انطلاق برنامج تأهيلي وتدريبي لموظفي هيأة التأمين الطبي