خواطر أغاني الأسواني
الشريف/ أحمدعبدالدايم
لا عندك دم ولا في اختشا
في عنينا دمعة متحوشا
دا أنا أبوك بنام من بعد العشا
من بعد ما اخد علاجي
.-.-.-.-.
تسهر وبيعلا صوت ضحكتك
تتعب صحتنا موش صحتك
تبات أمك علشان حضرتك
صاحية لحد ما تاجي
.-.-.-.-.
وياما كتير منك حيٱتي
وامك صاحية ليلاتي
ما انت اللي قالب حياتي
وأنت اللي معكر مزاجي
.-.-.-.-.
ازاي ياولدي تنسى ازاي
أنا من المرض واخد كفاي
ما عمرك مرة وقفت معاي
علشان ليك احتياجي
.-.-.-.-.
كل يوم سهران في مكان
وافلست كل الدكان
وتتهكم على كبري علشان
قلة حيلتي وقلة انتاجي
.-.-.-.-.
كل يوم سكران وزول ساحبك
لو اتكلمت موش عاجبك
ما تنساش أنه بسببك
سلطان وخسرته تاجي
.-.-.-.-.
لا عندك دم ولا اختشا
إحياء اغاني الكف الأسواني
الشريف_أحمدعبدالدايم
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب