قالت ميرفت …
(لو في يوم صدفة اتقابلنا)
لو في يوم صدفة اتقابلنا
خلي نظراتك بعيد
متحاولش انك تقرب
حتي لو سلام بالايد
خلي صوتك يبقي هادي
وامشي بس بلاش قصادي
وان لمحت بعيني دمعة
اعتبرها حاجة عادي
واوعي يوم تقابلنى بيها
وتفاجئني وتناديها
خليني بعيد صدقني
كارهة اني اصعب عليها
أو يصعب عليها حالنا
لو في يوم صدفة اتقابلنا
عيش حياتك وانسي اني
في يوم قابلتك
هبقى قصة في ذكرياتك
وافتكر قلبي اللي حبك
وان سمعت اني بعانى
اوعي تقول انه بسببك
هي حدوتة ودايرة
بين الحبايب
النصيب فيها
مرة حاضر
ومرة غايب
والفراق والبعد
مش ذنبى وذنبك
خلي بالك من حياتك
قلبي ليه سامع اهاتك
مهما يقتلنى سكاتك
القدر رافض غرامنا
بس انت ياريت تحاسب
لو في يوم صدفة اتقابلنا
بقلم : ميرفت أمين
وقالت أمل …
(لساك فاكرني ؟)
لساك فاكرني ؟
فاكر عينيه ودمعتي
لما تغيب ؟
وألمي ويا حسرتي
في ليل كئيب؟
يوماتي أبكي
من حنيني ولهفتي
وضعفي ويا كسرتي ..
وأبكي عشانك
طول صلاتي
وأدعي لك أنت
في سجدتي ..
وأقول يارب
أحميه وصونه
من ذاته نفسه
ومن عمري زود
لسنين في عمره
خليه أُبالي في دنيتي ..
وفي عز شوقي واشتياقي
والحيرة منك واستيائي
واللهفة ويا كبريائي
شوفتك بعيني
بعت حبي
وبسهم طيشك
صِبت قلبي
وبعدتني في عز قربي
وجاي دلوقتي بتسأل
طب هل ده يعقل؟
ليه يا دمعي
دايماً كاسفني
خليك في قلبي مستخبي
لا … لا
ماتبصليش
افرح وعيش
أنا قلبي عندك
مايساويش
وحتى دمعي
قيمته شيش … ويا بيش
مابقبتش حاسه بالحنان
ولا لاقيه فيك ذرة أمان
حتى الطريق اللي ابتديته
واترسم وياك زمان
النهاردة حسيته بينا بيفترق
والضحكه ماتت
اللي كانت بس ليك
صبحت رماد وبتتحرق
أوعدك كل دمعة من عيوني
هتكون لحبي اللي أنت بيعته
و مابين ايديك خونته وظلمته
وكل لحظاته الجميلة
سيبتها خلاص تتسرق
أمل أمين
كلماتي أنا وأختي ميرفت أمين الخولي وأمل أمين الخولي.
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب