أوعدك إن شمسي عن طريقك
راح تغيب
وفي كل ليله تنده عيوني في القمر
مش هستجيب
وإن أخبي دمع عيني عليك ياغالي
وماقولش عنك يوم حبيب
وهيقسى قلبي ويكون لك حجر
ويصير غريب
بوعدك عارف ده إمتى :
لما شمس الكون عن الدنيا
تضيع أو يوم تروح
والليالي يخفى جواها القمر
زي مابنخفي الجروح
لما يسكت الكلام وتتوه حروفه
ومايعودش بوح
لما أنسى اسمك في الصلاة
وابطل أنوح
أوعدك
إن عمري … ماهوعدك
ده أنت جوا نفسي نفسي
وروحك أنت لروحي روح
بوعدك أخلف وعودي
وأبيع معاك دايماً عهودي
وأضيع في ملكوتك
وأعدي كمان حدودي
يالي وجودك في الحياة
معناه وجودي
بس وعد و مني حق
وعمري ما أنا فيه هخذلك
إني طول ما أنا عايشه
هدعي ربي يسعدك
أوعدك….
أمل أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب