أد ما تعبت في بعادك
ومن قساوتك ويا هجرك
كتير عانيت ..
وزيد كمان فوقهم عنادك
ولا نار غدرك اللي
أنا بيها اتكويت ..
ولا كذبك حتى في وعودك
وفي حضورك
وهوان دموعي
إياك نسيت؟؟
ده انا كنت شايفه
فيك عيوبك
وقبلتها وبرضه اشتريت ..
وانت من عطفي وحناني
غرقت فيه
لما ارتويت ..
خليك فاكرني
واني في غيابك
وفي حضورك
بنيت …
وانت لأجل تهدني
بقواك سعيت …
وكنت بحسب إني غاليه
أو بحق تعزني ..
أتاريني جنبك من سراب
وكل مادة تزلني ..
لا وبتزيد في العذاب
ياللي قولت في يوم
دي مني
وصحبة حلوة تهمني ..
ده كله ليه ؟
طب سببه ايه ؟
وناسي حتى تودني!!!
أنا مش ضعيفة
ولسه جنبي قلوب كتير
بتحبني ..
وعمري ما في يوم
هرضى ظلمك
أو هنسى إنك بعتني
ورغم وجعي
لكن لغير الله عمري
ما هنحني
واللي اتهدم جوايا منك
بكره غيره هيتبني
اللي اتهدم جوايا منك
بكره بعون الله
غيره هيتبني
أمل أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب