احنا مش فقرا ياناس
وفى أفراحنا بنطير كتير
البدايه تبدأ بالخطوبة
للصباحيه المتغندره بالطير
كوافيرة بتهبد ألوفات
ورقاصة تخلى العقل يطير
وشوار بالمزمار البلدى
يزغلل عيون الغير
وبلاش نتكلم ع القاعة
لا يحسبوها أر ع الدنانير
وزفة عروسه شفتشى
فيها الخطر والمثير
والأكل أه منه .. وياجماله
ولا سفرة …….. مليونير
هى دى نفس العقول
اللى بتطالب بالتغيير
والله أنا عقلى لف شمال
من قلة العقل .. والتبذير
والأرقام بالورقة والقلم مكتوبه
ومرات يفوز الفقير
علشان يقولوا فرح العمدة
فشر فرح الوزير
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب