نقطة ونبدأ
من أول السطر الكلام
راح أحط خط
وألف مبدأ
علي اللي جاي تانى
والسلام
وامسح دموعى
قبل ماتجرح خدودي
وينتهى العمر أوام
أيه يعني لو غاب عنى حلم
ولا انتهى وأصبح ظلام
ايه يعني لو كان لك صديق
واصبح مابينكم كره وعداوة
أو حتي انتقام
عيش لنفسك..
وانسى اللي حبك
وانسي اللي كرهك
وعلي طبيعتك
لاهى طالبة حزن ودمع
ولا طالبة الملام
انا راح ادوس علي الكل
وأبدأها وحدى من جديد
مين اللي قال بالحب
القلب هيعيش بيه سعيد
أنا نفسى أولي بحبها
كفاية ياما ظلمتها
أنا وبس ….
وانشلة عن قلبى مادق
وانشلة عنه كمان ماحس
ولا داق الغرام
طول عمره واخد علي الجراح
وليه بيستغرب
غاب اللي غاب
راح اللي راح
ولا عمره يوم قرب
اجمد وعيش
وحدك وبس
دقاتك راح تكون تمام
نقطة كمان وخلاص كدة
خلص الكلام ..
بقلمي //ميرفت أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب