صعب أبدأ من جديد
وأنسى عمر وفاتني مني
ولا غدر حبيب ظلمني
وادّعي أقدر .. و إني
قلبي جامد من حديد
صعب ..
صعب حلمي يتقتل وياه كرامتي
وإن يوم كان لي قريب
يتقلب يصبح غريب
ويكون عدو وأمره عجيب
كأنها قامت قيامتي
أيوه صعب ..
صعب أحاول أبتسم أو ممكن أنسى
وجوا نفسي لنفسه همسه
وحنين بيحبي في قلبي لسه
وخطوة تسبقني لطريقه في كل سكة
رغم قلبه تملي جاحد كله قسوه
يبقى صعب ..
صعب أعيش وأكون لنفسي
وكل نفسي مش معايا
والهموم زي القضا بتجري ورايا
وقلبي ماشي عكس ما بيطلب هوايا
إزاي هكمل وسط لغبطتي وحيرتي
بجد صعب صعب ..
نفسي أقطع الصفحة وأحلم وأعيش
وانسى وشوش صبحت عدم متهمنيش
وأنهي ذكرى عمرها يوم ما ابتدت
ولا قصة جمّعت خيطها اتعقدت
او حتى فكرة في قلب راسي اتكركبت
لازم أنسى
لازم أقسى
لازم حياتي تبتسم
وتكون لي أحلى
بس عارفه انه صعب
ايوه صعب
خسارة فيكي يا دنيا تعبي
حقه والله …. ماتساويش
أمل_أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب