(ليه يا شمس )
ياشمس ليه تنسي طريقي
وطول عمري ليكي صاحبتك
مش فاكرة ليه صوت ضحكتي
كان صوتها يسبق ضحكتك
سيبتيني ليه وبعدتي عني
فين راح ودادك و محبتك ؟!
وده كله ليه ؟ اكمني يعني
بعت قلبي وهجرت وياه سكتك؟!
إياك تكوني هتغدري وتستندلي
وتقلدي طباع الخلايق
وتتنكي وتتمنظري وتتأمري
ماعدش ياختي حد رايق
وحياة عنيكي الحٌمر دٌول
انا طالبة منك رحمتك
وأنا راضية لو نورك أذاني
علميني وعلمي يا غاليه حتى بقسوتك
ده انا قلبي من وجعه ارتعش
محتاج لنظرة حنينة
من عتمته خاف واندهش
كوني أصيلة هوينة
يلا نعود
من غير شروط ولا بنود
وانا اوعدك
أوضع لكل عزول حدود
وانتي وانا مع بعضنا
نرجع نغني بدون شرود
وارسم مع شعاعك طريق
مليان أمل من غير حدود
بس ارجعي وبلاش عناد
خلي اللي راح يرجع يعود
أمل_أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب