اراجوز وبضحك كل الناس
والضحك عندي مالهوش أساس. لا مرة ضحكت من قلبي. ولا مرة كان من نصيبي الكأس
أراجوز وتعبان في حياتي
ومحدش سامع أناتي
ولاحد حاسس بأهاتي
عارفين ليه
علشان أراجوز
أراجوز ويحبوني الأطفال
وانا من جوة حياتي مرار
وصراخ ونواح
بس لازم أبان قدام الكل
إن انا مرتاح
أمال ابقي إزاي أراجوز
أراجوز ودمعي سايل
من عيوني الجوز
أراجوز وعايش
وسط الكل. ارمي عليهم
ورد وفل
وأضحك اللي ميضحكش
وأنسيه همه
وأهله وأخواله وعمه
أصل أنا أراجوز
الكل بيضحك
ولا حد واخد باله
إني ببكي من عيوني الجوز
رويدا عبد الحي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب