لسه بخير
ما دام عايش ومتهني
وفٌتني وحدي من غيرك
هداري الحزن جوايا
وأشيل همي
ويمكن برضه راح أغني
وهرضى بكل تغييرك
ولسه بخير
عادي انساني واهجرني
وفارق سكتي وبيعني
مسيري أكبر وهتعود
ولنفسي هكون سياف
وأدربها وهتترود
مهما حنيني يوجعني
أيوه بخير
ولما تحس محتاجني
وشوقك ليا يناديلك
وتفتكر السؤال عني
وتخلف في البعاد ظني
نادي ساعتها على اسمي
هجري عليك وهجيلك
وأقولك إني لسه بخير
وهكمل وهتعلم
ومش محتاج دوا لجروح
لازم أعدي عالأشواك
وأذوق المٌر واتألم
عشان في البعد
فارقت روحي فيها الروح
لكني بخير
عارف ليه ؟!
عشان انا غير
ومهما تلف وتدور
عمر ماحد في حضوره
هيشبهني في التاثير
فوتني وروح
وربنا عنده كل الخير
وهبقا بخير
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب