فكرة بسيطة بــ ٢٠٠٠٠ جنيه

 عصام الشحات

في ظل الظروف الصعبة التي يمر بها الفقراء جاءت لي فكرة حلوة وقولت أطرحها ليكم وأنا متأكد أنها هتعجب الجميع ولكن مش متأكد أن الجميع هينفذها المهم أنا بناشد كل أهل الخير والثواب

وكل مشايخ وأئمة المساجد
فكرة ممتازة وهتساعد ناس كتير
وياريت كل إمام مسجد أو أي شخص فاعل خير يسعى على تعميمها فى كل بلد أو قريه أو منطقه في أي محافظة أو مركز
فكرة (( جنيه كل جمعة )) ..
الفكرة بتقوم على إن كل واحد فى البلد وهو رايح يصلى الجمعة ياخد جنيه معاه و يحطه فى صندوق اسمه ( جنيه كل جمعة ) ،،
جنيه واحد بس .. مش كل يوم .. دا جنيه كل جمعة ..
لو قلنا إن عدد اللى بيصلوا الجمعة حوالى 5000 متوزعين على كل مساجد البلد ،،
هيكون معانا فى الأسبوع 5000 جنيه ..
نضربهم بقا فى 4 أسابيع فى الشهر = 20 ألف جنيه ..
20 ألف … دا ف شهر واحد بس ..
20 ألف من غير ما تحس إنك دفعت حاجة ..
دا غير إن فيه ناس ممكن تدفع أكتر من كده ..
مش ممكن بال 20 ألف دول كل شهر نجهز عروسة ؟؟
مش ممكن بيهم نساعد مجموعة من الأسر الفقيرة ؟؟
مش ممكن نساعد يتامى ؟؟
مش ممكن نساعد بيهم مريض فى علاجه ؟
الجنيه مش هيفرق مع اللى هيدفعه ..
بس هيفرق مع ناس تانية محتاجة مساعدة ..