إسألوا الخالة أسماء .. “نظرية نعيمه”

يا خالة أنا زوجي لا يصرف عليا مع أنه ميسور الحال جدا ولا يشتري لي أي حاجة مع أنه أخذ مني الذهب غصبا وباعه وقال لي أنه هيرجعهولي فرفض يجبهولي وله أخوات وأمه متحكمين فيه وعايزين يتحكموا فيا مع أني بعاملهم بمعاملة الطيبة والحسنة مع أني يا خالة من يوم ما أتجوزنا أنا اللي بصرف علي البيت وعلي الأولاد وعايشة معاه علي الحلوة والمرة والمر أكثر من الحلو وعنده أرض من ورث أبوه وأمه وأخواته متحكمين ومش عايزينه يبيع أو يأخذ حقه عايزني يا خالة أنا اللي أصرف عليه وعلي أولاده وأنا عندي أربع بنات وولد وعايزين لو أخذ حقه هما ليتحكموا ويكتبوه بإسمهم ومخونيني يا خالة وبيقولوا اللي أنا هأخذ منه الأرض هصرفها علي الأكل والشرب مع أني يا خالة أنا اللي بصرف من ورثي وهو عايز يبع ورثي اللي أنا بصرف منه ويقولي كل ده هيبقي للعيال قوليلي يا خالة أعمل إيه لأني زهقت وجبت أخري معاه

إليكي الحل يا حبيبتي

يا حبيبتي من الواجب أن لاتصرفي لأنه زي ما أنتي بتقولي أنه ميسور الحال فيجب عليكي أن تصرفي علي بيتك لو أنه محتاج أو مصروفه علي قد إيده

حافظي على ورثك وفلوسك لأنك متعرفيش الزمن جايب إيه ولو فتح معاكي موضوع أنه يبيع أو يضحك عليكي بالكلام خاليكي زكية وإطلعي منها لأن الشخص اللي زي ده بيحب حاجته تبقي زي ما هيه ويصرف من حاجة غيره ومتنسيش يا حبيبتي أنتي اللي أخذته علي كده فوقي وإصحي وخذي موقف له واللي عائلته وحافظي علي حاجتك وخالي أولادك هما اللي يطلبوا منه الحاجة اللي هما عايزنها وأتفرجي من بعيد ولا تدخلي بينهم لأن اللي زي ده بتأخذي منه كلام وليس فعل يا حبيبتي أتمني أن تكوني واعية وناصحة علشان محدش يتضحك عليكي بالكلام .