كلنا عندنا زمان، وأحلى زمان.. بس كل زمان ليه تفاصيل.. منها مفرح ومنها محزن..
واحنا مش ملايكة، فأكيد أكيد كلنا زمان ندمنا على غلط عملناه..
اللي خسر صديق بسبب إفشاء سره، واللي خسر حبيبه بسبب ظلمه ليه.. المهم فيه أخطاء وذنوب في حياتنا..
قال النبي صلى الله عليه وسلم: (كل ابن آدم خطاء وخير الخطائين التوابون)..
الذنب اللي اتعمل وتبنا واستغفرنا ربنا عليه خلاص انتهى.. وربنا قبل توبتنا والمشكلة انتهت..
بس رغم انتهاء المشكلة بنفضل عايشين بتأنيب الضمير والخوف والإحساس بالعار، وكأن اللي حصل مثل العاهة المستديمة لا يمكن الشفاء منها حتى بعمليات التجميل..
ونفضل نعاني من الماضي رغم انه خلاص انتهى، ويضيع العمر في لو كان حصل؟ ولو كان عمل؟..
لكن ليه بنفتكر الأحزان بس؟!
وليه ديما بنفتكر الذكريات السيئة وننسي الذكريات المفرحة؟!
احنا محتاجين نتقبل حياتنا بكل عيوبها وكل مميزاتها.. بفرحها ومرها.. وبلاش نضيع العمر في الماضي وذكرياته..
فالماضي عدى خلاص ومش هايرجع تاني.. خلينا في المستقبل واللي جاي..
الماضي كله دروس بنتعلم منه ازاي نعيش المستقبل.. فلا تستهين بالماضي فتصبح بلا حاضر.. ولا تفكر كثيراً في الماضي وتعيش جلاد لذاتك فتفقد حاضرك..
تعلم كيف تستمتع باللحظة وتسعد بكل ما فيها..
وتذكر دائماً أن الذكريات التي لا تموت تُميت..
More Stories
حين يحن القلب إلى الله
بروتوكول تعاون بين الاتحاد الأفروآسيوي وموقعي أخبار مصر العروبة وموقع الحياة نيوز
منجز للاستشارات القانونية والمالية ..تاريخ من الثقة والانجازات