الكاتبة هبة الببلاوي
أول ما نسمع إسم كريب سوزيت لازم نفتكر بهيجه بنت سلطح بابا ،، والكريب إللي محدش يعرف سر خلطته إلا عيلتها ..
وكانت مقاديره عبارة عن بيضاتان بسيط من الملح ملعقتين كبيرة زبد سائل نص كوب حليب ملعقتين كبيرة عصير برتقال ملعقة صغيرة فانيليا كوب ونصف حليب
أما طريقه تحضيره طبقاً لعيلة سلطح بابا فهي كالأتي:
فى الخلاط الكهربائي ضيفي كل المكونات على النار و إرفعي مقلاة غير لاصقة و مدهونة زيت صبي مقدار مغرفة من الخليط و وزعيها على المقلاة انتظرى نصف دقيقة ثم اقلبيه على الناحية الأخرى لمدة 15 ثانية ثم ارفعيه من المقلاة كررى ما سبق مع كل الخليط
هو ده الكريب سوزيت بكل هيافته وبساطه وكانت بهيجه على الفطار تعمل الكريب سوزيت ،،ويوسف وهبي كان ياكل وهو عاوج بقه وقرفان من طعمه بس كان بيجامل ويقولها جميل يا حياتي تسلم إيدك … أما عمر الشريف كان صريح جداًوكان يرد بجملة إيه القرف ده يا مرات عمي وتبدأ المشادات والخناقات .. بسبب الكريب سوزيت ..
ورغم شكل الكريب الجميل الأنيق إلا إن طعمه مختلف عن شكله تماماً… وهو ده محور كلامي الكريب سوزيت مش في الأكل بس ده فيه بشر زي الكريب سوزيت حاجه كده منظر بس أما الجوهر مفيش شئ بلا طعم .. وبهيجه نموذج لناس كتير أوي بتحلي نفسها بالكلام رغم بشاعتها في كل شئ وتكبر من نفسها والحقيقه إن حجمها أقل من النمله .. ويوسف وهبي زي ناس كتير ..بتاكل عيش وبتخبي الحقيقة.
أما الغلبان عمر الشريف ده نوع من البشر بيقول الحقيقه وياخد علي دماغه من كلام جارح لكره ويفضل طول عمره منبوذ لكن شخصية عبدالمنعم إبراهيم الشخصيه اللي في وشك يبتسم ومن وراك يدبحك ويتلون مع الكل … ورغم إن الفيلم كله مشاهد إلا إن لقطه الكريب سوزيت دي لخصت عينات البشر إللي عايشيين معانا ….اللقطه دي فيها عمق …لقطه يكتب فيها كتاب وليس مقال
والملخص هنا بلاش تمدحوهم لانهم بيصدقوا وإحنا إللي بنخليهم يتنفخوا أكتر وفي النهايه بيفرقعوا في وشنا ……
ببساطة بهيجة لازم تعرف أن الكريب سوزيت وحش
More Stories
“ساندوز مصر” تطرح المثيل الحيوي لهرمون النمو “أومنيتروب” “15 ملجم” لعلاج قصر القامة
الدكتور وليد عرفات: نتجه نحو الطب الشخصي.. والعلاج المناعي يفتح آفاقًا جديدة لمواجهة الأورام المستعصية
باحثو وجراحو مايو كلينك يختبرون أداة واقع افتراضي لتهدئة التوتر السابق للجراحة