..من ديوان/قيد الفراق
..على كيف هواك اهجر وخليك
ع العناد
.. فيه ناس سواك تتمنى منى
ف الوداد
..دا انا من قساوتك ما افتكرتش
غير جفاك
..وحياة خيانتك من النهارده
نسيت هواك
..بس اما اجى لك فى المنام
أو تفتكرنى
راح اسيب لك النار والاهات
وانت هاجرنى
..وابقى لك الحلم اللى فات
وتعيش هوايا ذكريات
…تندم عليه وتبكى ولا
اصدق كلامك
..تترجى فيه وقلبى موش
حاسس غرامك
..وتقول لى سامحينى بقى ،
يمكن يقربنا اللقى
…والقانى موش عايزه أشوفك ،
وتجينى تحكى لى ظروفك
..وأقولك ابعد عنى ياضلى
الغريب
..دانا كنت غلطانه افتكرتك
يوم حبيب .
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب