أمي قالت لي ما تخافش
حتى لو كلامك ماوصلش
الكلام الطيب يابني ما بيموتش
قول كلمتك الحزينه
مسيرك تلاقي مرسا أو مينا
لاكن لاز م تكون الكلمة أمينة
قولها وما تندمش
ياواد اجمد
إنت مش الابنودي
ولا جاهين ولا حتى الفاجومي
وقدامك سكة طويلة لجل ماتوصل للهويس
يامة أنا حاسس إن جوايا بركان
وكن المشاعر ماتت من زمان
هما لية ما بيقولوش عليا فنان
ولا هوا الجمعه بتيجي قبل الخميس
ولا يعني ما حلمش
أمي قالت لي ما تخافش
ها خاف من اية عاد
سنين وأنا مستني الحظ على معاد
لفيت بلاد وبلاد
وهوا تملي بيعاندني
حلفتلو مية يمين
إن بحب وليا قلب
وإني ماشي على طريق إللي سبقوني
وما معايا غير دعوة أمي وحلمي وقلمي
ونبض شاعر غلبان ومسكين
ساعات يقتلني الحزن و ساعات ياخدني الحنين
وناس غلابة زيي بتاخد بأيدي وتساعدني
ويا وصلت لقلوب الناس يا ماوصلش
يامة لية عيونهم مش شايفاني
لو مش عاجبهم كلامي اقول واعيد من تاني
أنا ف الحب ماليش أول ولا تاني
وكلي شوق وحنين
وقلمي صاحي ولسة ما متش
أمي قالت لي ما تخافش
يابني أنا صليت ركعتين
ودعيت من قلبي الحزين
ربنا يرزقك حب الناس الطيبين
وكلامك يوصل في ذحمة المهرجانات والتاتو والإعلانات
ويغطي على كل الناس الموجودين
دعوة ام مكلومة ومن الفرح محرومة
يابني تبقا زي صلاح جاهين
وكلامك يعيش ما يمتش
أمي قالت لي ما تخافش
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب