يا ضحكه لية ناسياني
غريب غريب و حداني
بين ذكرياتي وصوري
راضي بنصيبي وقدري
وكتر الجرح اساني
ياضحكة نفسي تزوريني
بندهلك وبتعانديني
والحظ قفل بابو
وحبيبي طال غيابو
وأنا غرقان ف أحزاني
ضربت الودع وقلت اشوف نصيبي
نفسي في ضحكة ويرجع حبيبي
ببكي وما حد داريبي
امتا يرجع لحضني وامتا أشوف الضحكه من تاني
ياضحكة استني وهدي
تعالى وعدي
الدنيا بتلعبي
وحبيبي غدر بيا
سرق مشوار عمري
واتعود يظلم قلبي
بيضحك وأنا حزين ببكي
ودموعي ف عنيا
حتى الاطبا احتارو من حبي وحناني
العاشقين مني غارو
وف سكة المجروحين
ناس كتير محرومين
وكلة انكوى بلهيب الشوق ومرارو
والطبيب من كتر همو واساة
ياعيني علية بكاني
يا ضحكه لية ناسياني
حتى البخت طلع مايل
كل اللي حبيتهم وضحيت عشانهم
سابوني وحداني
وياما القلب من الهموم شايل
قبل ما أحب كنت عايش سلطان زماني
حرام اتظلم من كل الناس
حرام بعد ما حبيت بصدق واخلاص
يادنيا ماشي خلاص
أموت و لا يقولو عليا أناني
ياضحكة امتا تزوريني
بندهلك وبتعانديني
والحظ قفل بابو
وأنا غرقان ف أحزاني
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب