نفسي أقولك إني بحبك
وخايف من الأيام
الجرح اللي جرحتهولي
لسة معلم ف أيدي وقلبي وعيني ومعذبني ماعارف أنام
حتى الكلمة حرمتني منها
الاسوة ف عنيك والناس شايفنها
اقولها ورزقي على الله
بحبك رغم قوله اة
إنت عذابي وسهري وليلي
إنت نور عنيا وكل ما ليا
رغم الجرح و الألم
وقلبي اللي اتظلم
إنت الحياة وأنت الأحلام
رغم كل الظروف
بتحدى نفسي والخوف
قلبي غصب عني حبك وعليك ملهوف
وحياتي من بعدك أوهام
ياما قالو بلاش تهواة
قلت ودموعي سبقاني مقدرش انساة
يظلم ويحكم
يفرحني و يبكيني
وهيا كدة لعبه الحياه
الفرح بقا جرح وآلام
حبك صحاني وبعدك بكاني
أنا اتغيرت وبقيت إنسان تاني
وكلة دموع و أحزان
صرخه السنين وقلبي الحزين
كل شيء حلو مات
مفاضلش غير الذكريات
وشويه صور وقصايص ورق وقلم
وليالي عذاب وندم
ازاي انسا الماضي وازاي أنسا مشاعري
وضعفي ف لحظة توهان
خلاص القلب ماعاد يتحمل
وف طريق العذاب مش قادر يكمل
ليك مني التحية ومن قلبي الحب والسلام
نفسي أقولك
إني لسة بحبك وخايف من الأيام
الجرح اللي جرحتهولي
لسة معلم ف أيدي
وقلبي وعيني ومعذبني ماعارف أنام
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب