ياللي جمالك غرك
وقُلتي هتتهني
سيبك من نظرة عيونهم
وتعالي اسمعي مني
فـ الحُسن جمالي كان آيه
وبلون الياسمين قلبي
وفرحة شبابي جوايا
ومنتظرة الهنا فـ دربي
ضحكت عليا دنيايا
واهو تاه فـ الطريق املي
واتسرسبت ايامي
وشبابي بيضيع مني
ولا عشت يوم ف امان
ولا دُوقت حضن حنان
وهتخلص الأيام
وانا دمعي ع خدي
متصدقيش نظرتهم
ولا تجري ورا كدبتهم
فيكِ حبوا يازينة جمالك
وعيونك كانت احلامهم
لكن جواكي ما شافوا
ولا خطر قلبك علىٰ بالهم
اوعي تحبي يازينة
ولا تسلمي قلبك
هيكسرك الحنين
ويضعف فـ الهوا نبضك
هيميلوا لـ جمال الخد
وهينسوا جمال قلبك
ده فرط الحب فيكِ
يازينة مش ذنبك
هتوه الخطاوي منك
وهيقولوا الجاني كان رمشك
وهتشيلي وزر القلب
وهيخذلوا خاطرك
متفرحيش بجمالك
وداري علىٰ قلبك
بقلم_سلمى_المواردى
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب