الزمن الجميل.. بقلم خالد كامل

الزمن الجميل…ياما فيه اسرار وحكايات مافيش كتير فينا حد يعرفها لاالجيل الحالي ولا برضه الاجيال اللي فاتيت…… واحنا بقي علينا ندور وننبش في كنوز زمان علشان نلاقي إشي

فن او سياسة او رياضة او اقتصاد او علاقات اجتماعية ونخليكم تعرفوها وكانكم كنتم عايشين معاهم وفي زمانهم.

وحكايتنا النهاردة عن الفن المدلع و المشغلع بتاع زمان.

وكمان حكاية المطربة اللي غنتها.

*طول عمرنا فرافيش اه وربنا

ياميت مسا ..ياميت مسا

شغلت بالي يا مدلع

وانا بحبك متولع

أطلب وصالك تتمنع

ما تقول لي إيه بعد الخشا

يا ميت مسا

للست نعيمه المصريه.

*والست نعيمة المصرية مغنية مصرية اسمها الحقيقي (زينب محمد إدريس) من مواليد حي المغربلين بالقاهرة عام 1894، زوجها أهلها وهي صغيرة، وأقامت هي وزوجها في بيت الأهل، لم يتناسب هذا الزحام والضجيج مع فتاة حالمة كانت تطمح في أن تصبح مطربة.

مهدت لها الطريق جارتها السورية «عزيزة مظلوم» لتغني في الأفراح والصالات، ومع رفض أسرتها وزوجها لاذت الفتاة بالفرار مع الجارة السورية إلى حلب عام 1911. التقت في حلب بالمطربة السورية «رحلو جرادة» التي ساعدتها، وقدمتها للملحنين الذين قاموا بتدريبها، والتلحين لها على مدار 3 سنوات لتعود إلى القاهرة عام 1914 ويتبناها الشيخ سيد درويش …

*وربنا يرحم الست نعيمة المصرية.

Post Views: 30