“حب نفسك أصلها تستاهل” بقلم شيماء صلاح

دى آخر حاجة وصلتلها لازم أحب نفسى .. مش غرور بس إنى مسمحش لحد يإزيها ولا يوجعها  ربنا ادانى نفسى دى أمانة عندى لازم أحافظ عليها لأنى ببساطة هاتحاسب عليها .

فقررت إنى أبعد عن أي حد يزعلنى أو يكسرنى أقرب من أصحابى أكتر وأكتر أصحابى اللى بجد اللى بيفهموا سكوتى قبل كلامى .. أقرب من ناس حبتها ومش ممكن أتخيل حياتى من غيرهم ناس رجعتلى قلبى مرة تانية بعد مادفنته مع بابا بدعى ربنا كل يوم انة مايحرمنيش منهم ويفضلوا سبب فرحة قلبى دايما قررت العب واجرى مع ولادى وماسمحش لحد يقوللى انتى كبرتى ع الكلام دا انت مالك حبوا نفسكم اوووووى لانها فعلا تستاهل .. لو ليك صاحب بعيد عنك وبقالك فترة ماتعرفش عنة حاجة قوم دلوقتى كلمة واطمن علية ماتقطعش احلى واغلى حبل فى حياتك #حبل_الصداقة بتحب حد روح وقولة .. عيش اللحظة دى واطلب من ربنا دايما انة يكون يستاهل _ اصل القلب مش على طول بيختار صح _ بس مهما حصل دايما ادعى ربنا واطلب منة انة يفضل معاك ومايخونش فرحة قلبك بية اصل الايام رايحة ومش هاترجع تانى … يبقى ماتضيعش لحظة ماتبقاش فرحان فيها لو حابب تروح مكان اعمل كل اللى تقدر علية مهما خد وقت المهم فى الاخر توصلة مهما خدت وقت مش مهم المهم توصل … حب نفسك واعمل خير كتير مهما استصغرتة ماتعرفش هايرجعلك ازاى .. كانت دايما ماما تقوللى أعملى الخير وارمية البحر …. كنت بتعصب من الكلمة دى اوى بس مع مرور الزمن والمواقف معايا لقيت أن دا فعلا حقيقى اى حاجة حلوة بتعملها هاترجعلك حتى لو كانت انك ابتسمت فى وش اللى قدامك بردو خير وهايتردلك . حتى لو كلمة حلوة قولتها لاى حد بردو خير وهايتردلك حبوا نفسكم أوووووى واعملوا الخير وارموه البحر .. عيشوا كل لحظة نفسكم تعيشوها أصلها أيام وبنعشها وربنا يحسن ختامنا جميعا كلام من قلبي .